Si të fitosh një ndeshje shahu

Si e fiton një ndeshje shahu?

Qëllimi i shahut është të zësh mat kundërshtarin.

Shah mat ndodh kur mbreti sulmohet nga figura të tjera dhe ska asnjë rrugë shpëtimi. Në këtë moment, loja mbaron. Por shah mati nuk ndodh pa përgatitje.

Për të fituar një ndeshje shahu të duhen gjashtë gjëra:

1. Bëj hapje të mirë të lojës
Qëllimi i lëvizjeve të para në shah është vendosja e kontrollit në fushë. Pjesa më e rëndësishme e fushës është qendra. Nëse mund të kontrollosh qendrën me figurat e ushtarët, do jesh në gjëndje të diktosh drejtimin e lojës. Në pozicionin më poshtë, dy ushtarët e bardhë kontrollojnë përsosmërisht qendrën e fushës ndërkohë që të zinjtë nuk kanë ndikim.

2. Mos i dhuro figurat

Shkëmbimi i figurave është pjesë normale e shahut, por duhet të shkëmbesh vetëm figura me vlerë të njejtë. Shumë lojtarë humbasin sepse ata thjesht i dhurojnë figurat dhe ushtarët. Nga ana tjetër, ti duhet zësh të gjithë gurët që kundërshtari të jep falas (por ki kujdes kurthet).

3. Vendosni figurat në pozicion
Para se të arrish te mbreti, do të të duhet të vendosësh figurat e tua në pozicion sulmues. Do të thotë që ju duhen figura shahu aktive që kanë shumë mundësi lëvizje.

Ushtarët kontrollojnë katrorët. Kuajve u pëlqen qendra. Oficerët pëlqejnë të rrinë tek diagonalet e gjata. Torrat pëlqejnë të rreshtohen në qendër ose në hapësirat e lira. Mbretëresha duhet të jetë e gatshme për tu hedhur në sulm.

4. Koordino një sulm drejt Mbretit
Zakonisht s'mund të zësh shah mat vetëm me një figurë. Shumë figura zakonisht punojnë së bashku për shah mat. Shpesh do ju duhet një figurë për ti dhënë shah mbretit, dhe të paktën një figurë tjetër për të mbrojtur atë kështu që mbreti s'mund ta marrë. Ndonjëherë të nevojiten akoma më shumë figura për tu sakrifikuar që të thyejnë mbrojtjen e kundërshtarit.

5. Ruaj mbretin tënd

Ndonjëherë lojtarët përqëndrohen aq shumë tek mbreti i kundërshtarit saqë harrojnë të tyrin. Ki parasysh, se dhe lojtari tjetër po luan e do ta sulmojë mbretin tënd. Sigurohu të ndjekësh kërcënimet e krijuara nga çdo lëvizje e kundërshtarit. Një nga mënyrat më të mira për të mbrojtur mbretin është ta vendosësh pas disa ushtarëve mbrojtës. Në pozicionin më poshtë, mbreti i bardhë është rehat e i sigurtë ndërkohë që i Ziu sulmohet lehtësisht.

6. Gjithmonë sillu mirë

Pavarësisht fitores apo humbjes, gjithmonë uroje ose falenderoje kundërshtarin për lojën. Si fitorja dhe humbja janë pjesë e lojës. Madje dhe lojtarët më të mirë në botë humbasin shpesh.

Kështu që përcillni mirësi dhe mirnjohje në fund, pastaj mendohu ç'mund të bësh më mirë herës tjetër!