Хто найлепшы шахматыст у свеце?

Вы, пэўна, чулі, як хто-небудзь кажа: “Я магу перамагчы ўсіх сваіх сяброў у шахматы” ці “Я лепшы шахматыст у школе”! У гэты момант Вы можаце задумацца : "А хто з'яўляецца лепшым шахматыстам у свеце?"

Найлепшым шахматыстам сучаснасці з'яўляецца Магнус Карлсан. Магнус - дзеючы чэмпіён свету па шахматах з 2013 году.

Магнус нарадзіўся ў Нарвегіі ў 1990 годзе і навучыўся гуляць у шахматы, калі яму было пяць гадоў. Хутка ў ім заўважылі незвычайна адоранага хлопца і ва ўзросце 13 гадоў ён стаў адным з самых маладых гросмайстроў за ўсю гісторыю. Магнус перамог на вялікай колькасці чэмпіянатаў свету, міжнародных турнірах і онлайн-спаборніцтвах. Ён з'яўляецца лепшым гульцом у свеце ва ўсіх фарматах шахмат: ад працяглых турнірных партый да онлайн-бліцу.

Магнус - лепшы шахматыст у свеце, бо ў яго, відаць, зусім няма слабых месцаў. У маладосці ён быў вельмі агрэсіўным гульцом, але з таго часу яго навыкі развіваліся і ён стаў моцным ва ўсіх аспектах шахмат. Ён атакуе, аднак без залішняй рызыкі. Ён моцны ў дэбюце, у мітэльшпіле і ў эндшпіле. Ён гуляе і ў стратэгічныя, і ў пазіцыйныя шахматы, і не губляе тыя тактычныя магчымасці, якія яму даюцца. Калі ён атрымоўвае невялікую перавагу ў партыі, ён дакладна ведае, як яе ператварыць у перамогу.

Вялікая колькасць людзей пагодзіцца, што Магнус Карлсан не толькі лепшы гулец на дадзены момант, але таксама і самы моцны шахматыст у гісторыі.

Паглядзіце на гэту бліскучую хуткую партыю Магнуса Карлсана. Тады Вам пэўна стане зразумела, чаму ён стаў чэмпіёнам свету.

А каб адказаць на пытанне "хто з'яўляецца найвялікшым чэмпіёнам свету?" з пункту гледжання статыстыкі, не прапусціце вычарпальны аналіз сайту Chess.com.